ನನ್ನ ಪ್ರೇಮ ಪ್ರಕರಣ

ಅದೊಂದು ಚಿಕ್ಕ ಗಿಡವಾಗಿತ್ತು.
ಉತ್ಸಾಹದಿಂದ ಹಾಕಿದೆ ನೀರು, ಗೊಬ್ಬರ
ಬೆಳೆಯುವ ಎಲ್ಲಾ ಲಕ್ಶಣಗಳೂ ಕಂಡುವು.
ಒಂದು ದಿನ
ಅಕಸ್ಮಾತ್ ಎಲೆ ಕಳಚ ಹತ್ತಿತು.
ಗೊಬ್ಬರ ಸಾಲದೇನೋ...
ಹಾಕಿದೆ,
ಚಿಗುರಿತು ಪುನಃ.

ಗೊಬ್ಬರ, ನೀರು ತಪ್ಪದೆ ಹಾಕುತಿರೆ-
ಪುನಃ ಕಳಚಿತು ತನ್ನ ತಾನೆ ಎಲೆಗಳಿಂದ.
ಕೊಳೆಯ ಹತ್ತಿತು ಕಾಂಡ.
ಎಲ್ಲಿ ತಪ್ಪಿದೆ ನಾನು?

ಈಗಲೂ ಹಾಕುತ್ತಿದ್ದೇನೆ ನೀರು,
ಕೊಳೆತ ಪಳೆಯಳಿಕೆಗೆ
ಸಂಪೂರ್ಣ ನಾಶವಾಗುತ್ತಿದೆ ಆ ಗಿಡ...
ಎಲ್ಲಿ ತಪ್ಪಿದೆ ನಾನು?